0

Kthime dhe ndërrime

Ndodh që një gjë të mos jetë ajo që prisje. Nuk ka problem, e zgjidhim bashkë. Ja si funksionon.

Si nis një kthim?

Përpara se ta nisësh produktin mbrapsht, na kontakto. Kështu e dimë çfarë pret dhe të kursejmë kohë.

Nëse produkti të ka ardhur i dëmtuar ose nuk punon si duhet, na dërgo edhe një video të shkurtër. E shohim aty për aty dhe të themi menjëherë si vazhdojmë.

Sa kohë kam për ta kthyer?

Ke 48 orë nga momenti që e merr porosinë në dorë, qoftë te posta, te dyqani ose nga korrieri ynë. Pasi na njofton, produkti duhet të niset brenda 48 orëve të tjera.

Si duhet të jetë produkti?

Këto kushte nuk janë kapriço. Produkti duhet të mbetet i shitshëm, sepse ndryshe furnitorët tanë nuk e marrin dot mbrapsht.

  • Pa dëmtime dhe pa shenja përdorimi
  • Në kutinë origjinale, me paketimin e paprekur
  • Me të gjithë aksesorët dhe udhëzimet brenda
  • Me pullën e sigurisë të padëmtuar, nëse produkti ka të tillë
  • I shoqëruar me faturën ose me numrin e porosisë

Ku e dërgoj?

Mund ta sjellësh vetë te magazina jonë ose ta nisësh me postën që ta solli.

Adresa: GAMA V, Rr. Muhamed Deliu, Pallati nr. 1, Garazhi G10, Lagjja Fresku, Linzë, Tiranë 1001

Nëse të vjen më lehtë, e njoftojmë vetë postën që të vijë ta marrë te ti dhe paguan tarifat tona preferenciale: 200 Lekë brenda Tiranës, 300 Lekë në qytetet e tjera dhe 4 Euro për Kosovën. Kur e sjell vetë te dyqani, nuk paguan asgjë.

Po nëse produkti vjen i dëmtuar?

Nëse produkti të vjen i dëmtuar ose nuk përputhet me atë që kemi shkruar në faqe, të gjitha kostot e dërgesës dhe të kthimit i paguajmë ne. Ta zëvendësojmë me një të ri sapo i dëmtuari mbërrin te ne.

Marr paratë apo e ndërroj?

Sapo produkti hyn në zyrat tona në Tiranë, e verifikojmë brenda 24 orëve dhe të kontaktojmë me email ose telefon.

  • Kthimi i parave kur e sjell vetë te dyqani bëhet aty për aty, në dorë
  • Kur e kthen me kompani transporti, paratë kthehen brenda 2 deri në 3 ditë
  • Mund ta ndërrosh edhe me një produkt tjetër, me masë tjetër ose me diçka krejt ndryshe
  • Nëse produkti i ri kushton më shumë, paguan vetëm diferencën. Nëse kushton më pak, të kthejmë ne mbetjen ose ta japim si kupon të vlefshëm për një vit

Një gjë e vetme që nuk e pranojmë: produkte të përdorura, të lara ose të dëmtuara nga prova. Në ato raste na duhet të ta kthejmë mbrapsht dhe nuk mund të vazhdojmë me rimbursimin.